"13 жас- алғашқы мүшел" атты дөңгелек үстел

7"ә" сыныбында "13 жас- алғашқы мүшел" атты дөңгелек үстел ұйымдастырылды. "Ата - анаға көз қуаныш, Алдына алған еркесі. Көкірегіне көп қуаныш, Гүлденіп ой өлкесі",- деп Абай атамыз ата - ана мен перзент арасындағы байланысты тамаша жариялаған. "Адамның бір қызығы бала деген", деп қазақ халқы шыр шертіп дүниеге келгеннен бастап балаға арнап өткізетін жиын - тойы қаншама. Бүгінгі көрсеткен бастамамыз ата – бабамыздан қалған, бізге жеткен қызықты дерек мүшел жас туралы болмақ. Мүшелдің таралу шеңбері өте үлкен. 13 жас – жақсы мен жамандықты, ар мен намысты, дос пен жолдасты айыра білетін кезең. Қазақ халқы жас жеткіншектердің тәрбиесіне көп көңіл бөлген, олардың бойына мейрімділік, қайрымдылық, әдептілік, сыпайылық сияқты жақсы қасиеттерді сіңіре білген. Міне осындай қасиет жас ұрпақтың бойларынан табылса екен дейміз.