Білім күні!

01.09.19 қыркүйек күні мектебімізде алғашқы қоңырау күні өтті. Саналы ұрпақ-болашақ кепілі 1-қыркүйек білім күніне арналған мереке "Бүгінгі өскелең ұрпақ нағыз білімді, жан-жақты дамыған, бірнеше тілді меңгерген, нағыз өз елін сүйетін, ұлтжанды азамат болу керек",-деп тұңғыш Президентіміз атап өткендей, Қазақстанның білім беру жүйесі санаға емес, сапаға негізделуі-бүгінгі күн талабы. Білім күніне арналған салтанатты лездемеге: қала әкімінің орынбасары Сері Болысбайұлы, білім бөлімінің әдіскері Жадыра Оразалиқызы білім күнімен ұстаздар мен оқушыларды, қонақтарды құттықтап сөз сөйледі. Шәкірт бойына білім нәрін егіп, халықтық рухта тәрбиелеу, басты мұратымыз екенін мектеп директоры Гульнар Сейдахметқызы айтып өтті.
Абай атамыздың шығармалары, қара сөздерінің тәрбиелік мәні зор. Оқушыларымызды ұлттық рухта тәрбиелеу мақсатында Абай атамыздың "Көзімнің қарасы" әнімен салтанатты жиынымыз аяқталды.